Նախախորհրդարան 2013-2015 ապրիլ
Հիմնադիր
խորհրդարան
2015-ի հունվարից
ռեժիմի հեռացում 2015-ի ապրիլի 24-ից
ժամանակավոր
կառավարում
մինչև 2 տարի
արտահերթ ընտրություններ
Նոր որակի Հայաստան
 
ՀԻՄՆԱԴԻՐ ԽՈՐՀՐԴԱՐԱՆԸ ֆինանսավորվում է բացառապես հայ ազգի կողմից: Քո երկիրն ունի հենց ՔՈ՛ կարիքը
Սասնա Ծռերի ապստամբությունը երկու կարևոր կարծրատիպ կոտրեց,
<
>
May 8, 2018     (12919 դիտւմ)

Շուշիի ազատագրման օրը նշանավորվեց հեղափոխական ժողովրդի կողմից հակամարդ ռեժիմի հանդեպ տարած հաղթանակի ևս մի միջանկյալ արդյունքի ամրագրմամբ՝ ԱԺ-ում անցումային փուլի համար վարչապետ ընտրվեց ժողովրդի կողմից ընտրված թեկնածուն։
Արժանապատիվ և ազատասեր ժողովրդին հաջողվեց իր կամքը պարտադրել/թելադրել քաղաքացիական անհնազանդության միջոցով։ Քաղաքացիական անհնազանդությունը ոչ բռնի մեթոդներով, անզեն ապստամբություն է:
Հայաստանի պարագայում վերջին շաբաթներին տեղի ունեցած քաղաքացիական անհնազանդության հաջողության պայմաններն ու նախադրյալներն ամբողջացան և ժողովրդական թավշյա հեղափոխությունը հաղթական ընթացքի մեջ մտավ նաև Սասնա Ծռերի զինված ապստամբության շնորհիվ: Սասնա Ծռերի ապստամբությունը, ի թիվս այլ նպաստավոր հանգամանքներ ստեղծելուց, երկու կարևոր կարծրատիպ կոտրեց, ինչը հնարավոր, կենսունակ ու գործունակ դարձրեց պատասխան բռնության սպառնալիքը՝ որպես քաղաքացիական անհնազանդության հաղթանակի երաշխիքային գործոն: Այդ կարծրատիպերից մեկն այն էր, որ քաղաքացին չի կարող զենք վերցնել ռեժիմի դեմ և կրակել նրա վրա, իսկ երկրորդը, որ միայն ռեժիմը կարող է զենքի դիմել: Այսինքն Սասնա Ծռերի ապստամբության շնորհիվ երկու կողմն էլ հասկացան, որ կա ապստամբության իրավունք, հնարավորություն և կարողություն, դրանով և՝ մեծ հավանականություն: Զինված ապստամբությունը հնարավորից դարձավ հավանական և իրական սպառնալիք ռեժիմի համար: Դա էր, որ լրացրեց անհրաժեշտ գործոնների ցանկը և այն բավարար դարձրեց քաղաքացիական անհնազանդության հաջողության համար:

Փաստաբան Մուշեղ Շուշանյան

Մեկնաբանություններ