Նախախորհրդարան 2013-2015 ապրիլ
Հիմնադիր
խորհրդարան
2015-ի հունվարից
ռեժիմի հեռացում 2015-ի ապրիլի 24-ից
ժամանակավոր
կառավարում
մինչև 2 տարի
արտահերթ ընտրություններ
Նոր որակի Հայաստան
 
ՀԻՄՆԱԴԻՐ ԽՈՐՀՐԴԱՐԱՆԸ ֆինանսավորվում է բացառապես հայ ազգի կողմից: Քո երկիրն ունի հենց ՔՈ՛ կարիքը
«Սասնա Ծռեր» համահայկական կուսակցության Քարտուղարության համակարգող, Արայիկ Խանդոյանի հուղարկավորության հանձնաժողովի անդամ Վարուժան Ավետիսյանի հայտարարությունը
October 15, 2018     (6755 դիտւմ)

15-ը հոկտեմբերի 2018 թ. Երևան

Սիրելի հայրենակիցներ

Սասնա Ծուռ Միայնակ Գայլ Արայիկ Խանդոյանի անժամանակ մահը ծանր հոգեբանական ցնցում էր նրա հարազատների, մտերիմների, ընկերների և, առանց չափազանցության՝ մեր ժողովրդի գերակշիռ մեծամասնության համար:

Ժողովուրդը պատշաճ հարգանք և վերաբերմունք ցույց տվեց իր սիրելի հերոսին: Բազմահազար մարդիկ մասնակցեցին նրա հոգեհանգստին և հուղարկավորությանը, աշխարհի և Հայաստանի տարբեր վայրերում կազմակերպեցին նրա հիշատակը խնկարկող սգո միջոցառումներ, համացանցում արտահայտեցին իրենց ցավը, սերը, ինչպես նաև վշտակցությունն ու զորակցությունը Արայիկ Խանդոյանի ընտանիքին ու մերձավորներին:

Շատ շատերը դրամական կամ այլ միջոցներով, ինչպես նաև կազմակերպչական մասնակցությամբ աջակցեցին հուղարկավության հանձնաժողովին սգո միջոցառումների անցկացման գործում, օգնեցին Արայիկ Խանդոյանի ընտանիքին: Պետական մարմիններից իր աջակցությունը բերեց ՀՀ Պաշտպանության նախարարությունը:

«Սասնա Ծռեր» համահայկական կուսակցության և Արայիկ Խանդոյանի հուղարկավորության հանձնաժողովի անունից խորին շնորհակալություն եմ հայտնում մեր ժողովրդին, բոլոր կամավոր աջակիցներին և ՀՀ Պաշտպանության նախարարությանը՝ ցուցաբերած օժանդակության և մասնակցության համար:

Ցավոք սրտի, մթնոլորտի գերհուզականության պատճառով մեր որոշ հայրենակիցներ, այդ թվում՝ մեր Կուսակցության անդամներ և աջակիցներ, հիմնականում առցանց տիրույթում թույլ տվեցին անցանկալի, երբեմն՝ կոռեկտության սահմանն անցնող, զեղումներ, որոնք կամա թե ակամա կարող են վիրավորել տարբերվող տեսակետներ ունեցող մեր հայրենակիցների ու քաղաքացիների արժանապատվությունն ու զգացմունքները:

Հորդորում եմ լինել հանդուրժող, ոչ մի պարագայում չանցնել կոռեկտության սահմանը և չվիրավորել դիմացինին:

Համոզված եմ, որ Արայիկ Խանդոյանն իր լուսե ժպիտով կմիավորեր բոլորիս և կասեր, որ մենք նույն Հայրենիքի զավակներն ենք և պարտավոր ենք սիրել, հարգել ու հանդուրժել միմյանց:

Սեր և խաղաղություն ամենեցուն:

Մեկնաբանություններ